1. Ի՞նչ է հրաբուխը և ինչպե՞ս է այն առաջանում:
Երբ երկրակեղևում շարժումների հետևանքով ճեղքեր են առաջանում, Երկրի խորքից մագման այդ ճեղքերով հաճախ բարձրանում է վեր: Սառչելով ցամաքի մակերևույթի վրա ու օվկիանոսի հատակին՝ մագման առաջացնում է որոշակի ձև ունեցող լեռներ, որոնց անվանում են հրաբուխներ:
2. Ի՞նչ կառուցվածք ունի հրաբուխը:
Հրաբուխները կազմված են մղանցքից, մագմայից և լավայից։
3. Հրաբխի ի՞նչ տեսակներ կան:
Հրաբուխները լինում են գործող, քնած և հանգած:
4. Ի՞նչ առանձնահատկություններ ունեն ստորջրյա հրաբուխները:
Հրաբխային ժայթքումները լինում են նաև օվկիանոսների և ծովերի հատակին: Ջրի տակ առաջանում են լեռներ: Դրանք ստորջրյա հրաբուխներն են, որոնք երբեմն դուրս են գալիս ջրի մակերևույթ և առաջացնում են հրաբխային կղզիներ:
5. Ի՞նչ է ցեխային հրաբուխը։
Ցեխային հրաբուխները առաջանում են հատկապես նավթաբեր շրջաններում, որտեղ գազերի ճնշման տակ ցեխազանգվածներ, ցեխաջրեր ու նավթ են ժայթքում Երկրի մակերևույթ: