Կարդալ Վահան Տերյանի «Կարծես թե դարձել եմ ես տուն…» բանաստեղծությունը:
Կարծես թե դարձել եմ ես տուն,
Բոլորն առաջվանն է կրկին,
Նորից դու հին տեղը նստում,
Շարժում ես իլիկը մեր հին:
Մանում ու հեքիաթ ես ասում,
Մանում ես անվերջ ու արագ,
Սիրում եմ պարզկա քո լեզուն,
Ձեռներըդ մաշված ու բարակ։
Նայում եմ, մինչև որ անզոր
Գլուխըս ծնկիդ է թեքվում,
Նարից ես մանուկ եմ այսօր,
Դրախտ է նորից իմ Հոգում։
Արևը հանգչում է հեռվում,
Գետից բարձրանում է մշուշ,
Հեքիաթըդ անվերջ օրորում,
Իլիկըդ խոսում է անուշ…
Հարցեր և առաջադրանքներ
1. Պատմել բանաստեղծությունը:
Այս բանաստեղծությունը պատմում է, թե ինչպես է Տերյանը ընկնում հիշողությունների գիրկը։ Հիշում է իր մանկությունը, կարոտում մոր հետ կապված ամեն բան, հիշում է, թե ինչպես էր նա իլիկ մանում։
2. Ըստ բանաստեղծության պատմել մոր մասին:
Մայրը աշխատասեր, բարի, քնքուշ, չափից ավելի հոգատար։ Իլիկ մանելուց մոր մաշված ու բարակ մատները սիրով բարուրում ու գրկում են իր զավակին և հեքիաթներ պատմում։
3. Գտնել բնությունը պատկերող տողերը:
Արևը հանգչում է հեռվում,
Գետից բարձրանում է մշուշ։
4. Բացատրել պարզկա լեզու, մաշված ձեռքեր մակդիրները:
Պարզկա լեզու — պարզ լեզու, պարզունակ
Մաշված ձեռքեր — աշխատող, հոգնած, ծեր ձեռքեր
4. Բացատրել հետևյալ փոխաբերությունները`
Ա) Արևը հանգչում է հեռվում:
Արև մայր է մտնում։
Բ) Իլիկդ խոսում է անուշ:
Իլիկը մանելու ժամանակ ձայն է հանում։
Գ) Դրախտ է նորից իմ հոգում:
Իր հոգում հանգիստ և խաղաղ է։